...... മികവിന്റെ വിദ്യാലയം ......കാളികാവിനു സ്വന്തം ... ....മികവിന്റെ വിദ്യാലയം ......കാളികാവിനു സ്വന്തം ... ....മികവിന്റെ വിദ്യാലയം ......കാളികാവിനു സ്വന്തം ... ....മികവിന്റെ വിദ്യാലയം ......കാളികാവിനു സ്വന്തം ... .....
............മോഡല്‍ ഗവ.യുപി സ്കൂള്‍ കാളികാവ്................... വിജ്ഞാന വിശുദ്ധിയുടെ വിദ്യാലയം ........................ സ്ഥാപിതം 1915 .............

2011, ജൂലൈ 27, ബുധനാഴ്‌ച

പ്രവര്‍ത്തന റിപ്പോര്‍ട്ട് 2010-2011

സ്കൂളിന്റെ 2011-12 വര്‍ഷത്തെ പിടിഎ ജനറല്‍ ബോഡി യോഗം രക്ഷിതാക്കളുടെ പങ്കാളിത്തം കൊണ്ട് ശ്രദ്ധേയമായി...
ഉദ്ഘാടനം : ശ്രീ മാത്യു പി തോമസ്‌ , ബി പിഓ വണ്ടൂര്‍
നാനൂറോളം രക്ഷിതാക്കള്‍ പങ്കെടുത്ത യോഗം അംഗീകരിച്ച
പ്രവര്‍ത്തന റിപ്പോര്‍ട്ട്
           

ഒരു അക്കാദമിക വര്‍ഷത്തിന്റെ വിദ്യാലയ പ്രവര്‍ത്തനങ്ങളുടെ ചുരുക്കമാണിത്. പൊതു വിദ്യാലയങ്ങള്‍ സാമൂഹ്യ കൂട്ടായ്മയിലൂടെയും തദ്ദേശസ്വയംഭരണ സ്ഥാപനങ്ങളുടെ സഹകരണത്തോടെയും കൂടുതല്‍ തിളക്കമാര്‍ന്ന പ്രവര്‍ത്തനങ്ങള്‍ നടപ്പിലാക്കുന്ന ഈ കാലത്ത് വണ്ടൂര്‍ ഉപജില്ലയില്‍ തന്നെ ഏറ്റവും മികച്ച പ്രവര്‍ത്തനം കാഴ്ചവെക്കുന്ന പൊതു വിദ്യാലയമായി നമ്മുടെ സ്ഥാപനം മാറിയിരിക്കുന്നു. അതിന് കരുത്തും ഊര്‍ജ്ജവും പകരുന്നതിന് ഏറെ സഹായകമാണ് നമ്മുടെ PTA പ്രധിനിധികള്‍.
2010-11 അധ്യായന വര്‍ഷത്തെ ജനറല്‍ ബോഡി യോഗം ആഗസ്റ്റ്മാസത്തില്‍ ചേര്‍ന്നു. മുന്‍വര്‍ഷത്തെ വരവ് ചെലവ് കണക്കുകള്‍ അംഗീകരിച്ചു. പി.ടി.. ഭാരവാഹികളെ തിരഞ്ഞെടുത്തു.
ഭാരവാഹികള്‍
സി.ഷൗക്കത്തലി പി.ടി.. പ്രസിഡന്റ്             ജുമൈല  എം.ടി..പ്രസിഡന്റ്
രാജന്‍ വൈസ് പ്രസിഡന്റ്                  
മജീദ്                                                             നസീമ
ഹാരിസ്                                                       ഹസീന
അന്‍വര്‍                                                       ആരിഫ
റസാഖ് കൂത്രാടന്‍                                         ഹാജറ
സുധീര്‍ ബാബു                                             സുലൈഖ
നജീബ് ബാബു                                             രജനി
മികവുകള്‍
വിദ്യാലയ ചരിത്രത്തില്‍ മഹത്തായ ഒരു നേട്ടമാണ് കഴിഞ്ഞ വര്‍ഷം നമുക്ക് കൈവരിക്കാനായത്. സംസ്ഥാനതലത്തില്‍ ഏറെ ചര്‍ച്ചചെയ്ത ഹരിത വിദ്യാലയം വിദ്യാഭ്യാസ "റിയാലിറ്റി ഷോയില്‍" പങ്കെടുത്ത് ജില്ലയിലെ മികച്ച സ്കോര്‍ നേടുവാനായി. റിയാല്റ്റിഷോയുടെ സമ്മാനമായി ഒരു ലക്ഷം രൂപയുടെ ഐടി ഉപകരണങ്ങള്‍ നമുക്ക് ലഭിച്ചു. SSA മലപ്പുറം ജില്ല നടപ്പിലാക്കിയ പഠനം മധുരം പരിപാടിയില്‍ പങ്കാളിയാവാനും വിദ്യാലയ സൗന്ദര്യവത്കരണമടക്കമുള്ള ഒട്ടനവധി പ്രവര്‍ത്തനങ്ങള്‍ പൂര്‍ത്തികരിക്കാനും സാധിച്ചു. മുന്‍വര്‍ഷത്തെ പോലെ LSS/USSപരീക്ഷകളില്‍ പഞ്ചായത്ത് തലത്തിലും സംസ്ഥാന തലത്തിലും നടന്ന പരീക്ഷയില്‍ മികച്ച വിജയം നേടാന്‍ നമ്മുടെ കുട്ടികള്‍ക്കായി. ഇതിന്റെയെല്ലാം ഭാഗമായി SSA മലപ്പുറം ജില്ല ഈ വര്‍ഷം നമ്മുടെ വിദ്യാലയ പ്രവര്‍ത്തിക്കായി 9 ലക്ഷം രൂപ അനുവദിക്കുകയുണ്ടായി. ഈ പ്രവൃത്തികള്‍ പൂര്‍ത്തീകരിക്കുന്നതോടെ ഭൗതിക അടിസ്ഥാന സൗകര്യത്തില്‍ നമ്മുടെ വിദ്യാലയം ജില്ലയില്‍ തന്നെ ഒരു മാതൃകയാകും.
അക്കാദമിക പ്രവര്‍ത്തനങ്ങള്‍
രക്ഷിതാക്കളുടെ നിറഞ്ഞ   സദസ്സ് 
ഭൗതിക അടിസ്ഥാന വികസനം നമ്മുടെ വിദ്യാലയത്തിന്റെ അക്കാദമിക രംഗത്തെ വളര്‍ച്ചക്ക് ഏറെ സഹായകമാകുന്നുണ്ട്. വിദ്യാര്‍ത്ഥികളുടെ സര്‍വ്വോതോത്മുഖമായ വളര്‍ച്ചയ്ക്ക് സഹായകമായ പ്രവര്‍ത്തനങ്ങള്‍ വിദ്യാലയത്തില്‍ ഒരുക്കുവാന്‍ പരമാവധി ശ്രമിക്കുന്നുണ്ട്
.ഒരു പ്രൈമറി വിദ്യാലയത്തിനാവശ്യമായ എല്ലാ സൗകര്യങ്ങളുമൊരുക്കിയൊരു ലാബ്   വിദ്യാര്‍ത്ഥികളുടെ പഠന പ്രവര്‍ത്തനങ്ങള്‍ക്ക് ഏറെ പ്രയോജനപ്രദമാകുന്നു
ഒന്ന്,രണ്ട്, ക്ലാസുകളില്‍ പഠനം രസകരമാക്കാന്‍ ഒരുക്കുന്ന ബിഗ് പിച്ചര്‍ . കുഞ്ഞ് മനസുകളില്‍ കൗതുകവും ആഹ്ളാദവും പകര്‍ന്ന് പഠനം മധുരമാക്കുന്നു.
ക്ലാസ് റൂമിന്റെഗണിതവത്കരണം ,  ക്ലാസ്ചുമരുകളില്‍ ഗണിതരൂപങ്ങള്‍, രേഖിയ ജോഡികള്‍,പ്രൊട്ടക്ടര്‍ എനിനവ ഒപ്പം സ്വയം ക്രമീകരിക്കാവുന്ന തരത്തില്‍ ഒരുക്കിയ സഡോക്കു, മാന്ത്രിക ചതുരം, ജിയോബോര്‍ഡ്, ഇവയെല്ലാം ഏറെ പ്രയോജനപ്രദമാകുന്നു
വായന, ഇളം മനസില്‍ സൃഷ്ടിക്കുന്ന പുതുചലനം ഒന്നു വേറെ തന്നെയാണ്. സജീവമായ സ്കൂള്‍ ലൈബ്രറിക്കൊപ്പം ക്ലാസിലും ഒരു ലൈബ്രറി അത്തരമൊരു ആശയത്തിലാണ് ക്ലാസ് ലൈബ്രറി പ്രവര്‍ത്തനം തുടക്കം കുറിക്കുന്നത്. ഇപ്പോള്‍ മുഴുവന്‍ ക്ലാസുകളിലും കുഞ്ഞുലൈബ്രറിയും ഇതിന്‍റെ പ്രവര്‍ത്തനം നിയന്ത്രിക്കാന്‍ ക്ലാസ്ല ലൈബ്രറേറിയനുമുണ്ട്. നിരന്തര മൂല്യനിര്‍ണയത്തിന് സഹായകമായതരത്തില്‍  മുഴുവന്‍ കുട്ടികള്‍ക്കും   പോര്‍ട്ഫോലിയോ  ഒരുക്കുവാനും നമുക്കായി. വിദ്യാര്‍ത്ഥികളുടെ പഠനപുരോഗതി ഗുന്നത്മകാമായി  വിലയിരുത്തുവാനും രക്ഷിതാകള്‍ക്കും തങ്ങളുടെകുട്ടികളുടെ അക്കാദമിക വളര്‍ച്ച അടുത്തറിയാനും പോര്ടുഫോലിയോ സഹായകമാകുന്നു .  ഒപ്പം പിന്നോക്കം നില്‍ക്കുന്ന കുട്ടികള്‍ക്കായി പ്രത്യേക പഠനപ്രവര്തനങ്ങള്‍ക്ക് എസ് ആര്‍ ജി നേതൃത്വം  നല്‍കുന്നു.ഇത്തരം കുട്ടികള്‍ക്ക് പ്രാധാന്യം നല്‍കി അക്കാദമിക രംഗത്തെ സജീവ ഇടപെടലുമായി നാടക തിയേറ്റര്‍ പ്രവര്‍ത്തിക്കുന്നു.
ദിനാചരണങ്ങള്‍
പഠന പ്രവര്‍ത്തനത്തിന്റെ ഭാഗമായെന്ന നിലയില്‍ ദിനാചരണങ്ങള്‍ , ദിനാഘോഷങ്ങള്‍, എന്നിവ വിദ്യാലയത്തില്‍ സമുചിതമായി ആഘോഷിക്കാറുണ്ട്. പ്രവേശനോല്‍സവം മുതല്‍ വാര്‍ഷികാഘോഷം വരെ ഇത്തരമൊരാശയം മുന്‍നിര്‍ത്തിയാണൊരുക്കുന്നത്. സ്വാതന്ത്രദിനാഘോഷം,കാര്‍ഷിക ദിനം, ഓണം, പെരുന്നാള്‍, ക്രിസ്തുമസ്, ആഘോഷം എന്നിവ നല്ല പഠനാനുഭവമാക്കി മാറ്റാന്‍ വിദ്യാലയത്തിനായി.കാര്‍ഷികാദിനാചരണത്തിന്റെ ഭാഗമായി ഒരുക്കിയ കാര്‍ഷിക പ്രദര്‍ശനവും കൃഷിഓഫീസറുടെ സന്ദര്‍ശനവും എടുത്തുപറയേണ്ടതാണ്.
ക്ലബ്ബുപ്രവര്‍ത്തനങ്ങള്‍
കുട്ടികളുടെ പഠനപ്രവര്‍ത്തനങ്ങള്‍ക്ക് സഹായകമായ തരത്തിലാണ് വിദ്യാലയക്ലബ്ബുകള്‍ പ്രവര്‍ത്തിക്കുന്നത്. മാഗസിനുകള്‍, പതിപ്പുകള്‍, ശില്‍പശാലകള്‍ എന്നിവ വിദ്യാലയത്തില്‍ സംഘടിപ്പിക്കുന്നു .
ഒരു ലക്ഷം രൂപയുടെ ഐ ടി  ഉപകരണങ്ങളുടെ കൈമാറല്‍
മേളകള്‍
കലാ-കായിക പ്രവര്‍ത്തി പരിചയ മേളയില്‍ നമുക്ക് ഇത്തവണയും മുന്നേറ്റമുണ്ടാക്കാന്‍ സാധിച്ചു. ശാസ്ത്രമേളയില്‍ സാമൂഹ്യ-ശാസ്ത്രവിഷയങ്ങളില്‍ ഓവറോള്‍ പുരസ്കാരം നേടി. പ്രവര്‍ത്തി പരിചയ മേളയില്‍ സംസ്ഥാന തലത്തില്‍ പങ്കെടുത്ത് എ ഗ്രേഡ് വാങ്ങാന്‍ നമ്മുടെ വിദ്യാലയത്തിനായി. കലാമേളയില്‍ സംഘനൃത്തം, തിരുവാതിരകളി എന്നിവയില്‍ വിജയം നേടാനായി.
ഭൗതിക സൗകര്യങ്ങള്‍.
ഭൗതിക അടിസ്ഥാനസൗകര്യ വികസനത്തില്‍ ഈ വര്‍ഷവും കൂടുതല്‍ പ്രവൃത്തികള്‍ ഏറ്റെടുക്കുവാനായി. വിദ്യാലയസൗന്ദര്യവല്‍കരണം, പൂന്തോട്ട നിര്‍മാണം, പെയിന്റിംഗ് പ്രവൃത്തികള്‍ പൂര്‍ത്തീകരിച്ചു. പഞ്ചായത്ത് അനുവദിച്ച ക്ലാസ് മുറികളുടെ നിര്‍മ്മാണം പൂര്‍ത്തിയായി വരുന്നു. മുഴുവന്‍ ക്ലാസ് മുറികളിലും ലൈറ്റും ഫാനും സ്ഥാപിക്കുകയും കുടിവെള്ള ലഭ്യതക്കായി പുതിയ പൈപ്പുകള്‍ നിര്‍മ്മിക്കുകയും ചെയ്തു. ശുദ്ധജല വിതരണത്തിനായി "വാട്ടര്‍ ഫ്യൂരിഫെയര്‍ "കൂടി അതിന്റെ ഭാഗമായി സജ്ജീകരിക്കുന്നുണ്ട്, ഒന്നാംക്ലാസ് മുതല്‍ കുട്ടികള്‍ക്ക് ഡെസ്ക്ക് ഒരുക്കുവാനും ഏഴാം തരത്തില്‍ റൈറ്റിംഗ് പാഡോഡ്കൂടിയ കസേര ഏര്‍പ്പെടുത്താനും കഴിഞ്ഞു.
സ്കൂള്‍ ബസ്
കഴിഞ്ഞവര്‍ഷം മുതല്‍ സ്കൂളിനായി പുതിയ ബസ് സര്‍വ്വീസ് നടത്തുന്നു. ബസ് പുറത്തിറക്കാന്‍ വാങ്ങിയ ലോണ്‍ ഇതുവരെ അടച്ചുതീര്‍ക്കാനായിട്ടില്ല. അതൊരു പരിമിതിയായ് കാണണം. എങ്കിലും കുട്ടികള്‍ക്ക് സൗകര്യപ്രദമായ തരത്തില്‍ ബസ് സര്‍വ്വീസ് നടത്തുന്നു.

പ്രീ-പ്രൈമറി
ഇംഗ്ലീഷ് മീഡിയം സിലബസില്‍ പ്രവര്‍ത്തിക്കുന്ന പ്രീ-പ്രൈമറിയില്‍ മുന്‍വര്‍ഷത്തെ അപേക്ഷിച്ച് കുട്ടികള്‍ കൂടിയിട്ടുണ്ട്. പുതിയ കെട്ടിടം പണിപൂര്‍ത്തിയാവുന്നതോടെ സ്ഥലപരിമിതി ഒഴിവാക്കാനാവും.
പ്രീ-പ്രൈമറികുട്ടികള്‍ക്കായി കൂടുതല്‍ സൗകര്യങ്ങള്‍ ഒരുക്കുവാന്‍ ഈ വര്‍ഷം ശ്രമിക്കുന്നതാണ്.

വാര്‍ഷികം.
വിദ്യാലയത്തിന്റെ 96-ാംവാര്‍ഷികാഘോഷം ഉജ്ജ്വലമായി ആഘോഷിക്കാന്‍ നമുക്കായി. കാളികാവിലെ അനാര്‍ക്കലി ഫാഷന്‍ ജ്വല്ലറിയുടെയും ബ്രദേഴ്സ് ഒപ്റ്റിക്കല്‍സിന്റെയും സഹകരണത്തോടെ ശിങ്കാരിമേളത്തോടെയുള്ള വാര്‍ഷിക പ്രചരണ ജാഥ, കാളികാവിന്റെ വിവിധ പ്രാന്ത പ്രദേശങ്ങളില്‍ എത്തുകയുണ്ടായി. വാര്‍ഷികാഘോഷ പരിപാടി ബ്ലോക്ക് പ്രസിഡന്റ് ശ്രീമതി. മറിയ കുട്ടിടീച്ചര്‍ ഉത്ഘാടനം ചെയ്തു. പഞ്ചായത്ത് പ്രസിഡന്റ് ജമീല, AEO കൃഷ്ണനുണ്ണി, BPO മാത്യൂ വി തോമസ്, വാര്‍ഡ് മെമ്പര്‍ രാഷ്ട്രീയ പ്രധിനിതികള്‍ വികസന സമിതിചെയര്‍മാന്‍ ഭാസ്കരന്‍ മാസ്റ്റര്‍, പി.ടി.. പ്രസിഡന്റ്,ഹെഡ്മാസ്റ്റര്‍ എന്നിവര്‍ ചടങ്ങില്‍ പങ്കെടുത്തു. വാര്‍ഷികാഘോഷത്തിന്റെ ഭാഗമായി "കാല്‍പാടുകള്‍" വാര്‍ഷിക പതിപ്പ് പുറത്തിറക്കി. തുടര്‍ന്ന് കലാസന്ധ്യ അരങ്ങേറി.
പ്രഥമ കാളികാവ് ബ്ലോക്ക് തല പ്രവേശനോത്സവം ഈ വര്‍ഷം നമ്മുടെ വിദ്യാലയത്തില്‍ സംഘടിപ്പിക്കാന്‍ നമുക്കായി. മനോഹരമായ തരത്തില്‍ കുരുന്നു പ്രതിഭകളെ വരവേല്‍ക്കുവാന്‍ നമുക്ക് സാധിച്ചു. ബ്ലോക്ക് പ്രസിഡന്റ്, AEO.BPO, വാര്‍ഡ് മെമ്പര്‍ എന്നിവര്‍ ചടങ്ങില്‍ അതിഥികളായി
വിദ്യാലയ പ്രവര്‍ത്തനങ്ങള്‍ക്ക് പ്രദേശത്തെ സന്നദ്ധസംഘടനകള്‍, ചുമട്ടുതൊഴിലാളികള്‍ എന്നിവര്‍ നല്‍കുന്ന സേവനം എടുത്തു പറയേണ്ടതാണ്. ടൗണ്‍ ക്ലബ്ബ് ഫുട്ബോള്‍ ലാഭവിഹിതത്തില്‍ നിന്ന് നല്‍കിയ 9000/രൂപ ഖുമൈനി ക്ലബ്ബ് നല്‍കിയ സേവനങ്ങള്‍ എന്നിവയ്ക്ക് വിദ്യാലയത്തിന്റെ അകമഴിഞ്ഞ നന്ദി അറിയിക്കട്ടെ. ഒന്നാം തരത്തില്‍ വിദ്യാലയത്തില്‍ എത്തിയ കുട്ടികള്‍ക്ക് സൗജന്യയൂണിഫോം നല്‍കാന്‍ തീരുമാനിച്ചപ്പോള്‍ DYFI,സോളിഡാരിറ്റി, ഒപ്പം അധ്യപകരുമാണ് അതിന്റെ ചെലവ് ഏറ്റെടുത്തത്. ഇത്തരം സഹകരണങ്ങള്‍ തുടര്‍ന്നും പ്രതീക്ഷിക്കുന്നു.
പ്രിയമുള്ളവരേ....................... ഒരു പഠന വര്‍ഷത്തിലെ പ്രവര്‍ത്തനങ്ങളുടെ രത്നച്ചുരുക്കമാണി റിപ്പോര്‍ട്ട്. കുറവുകളും പോരായ്മകളും ഉണ്ടാകാം. കൂടുതല്‍ മികവോടെ മുന്നോട്ട് പോകുവാന്‍ ഈ അധ്യയനവര്‍ഷം ശ്രമിക്കുന്നതാണ്. നമ്മുടെ കുട്ടികള്‍ക്ക് മികച്ച പഠനാനുഭവം ലഭ്യാമാകുന്ന തരത്തിലുള്ള വിദ്യാലയ പ്രവര്‍ത്തനമൊരുക്കി മുന്നോട്ട് പോകുവാന്‍ ഏവരുടെയും സഹകരണം ഇനിയും പ്രതീക്ഷിച്ചുകൊണ്ട് ഈ റിപ്പോര്‍ട്ട് നിങ്ങളുടെ അംഗീകരത്തിനായി സമര്‍പ്പിക്കുന്നു.



2011, ജൂലൈ 19, ചൊവ്വാഴ്ച

സ്കൂള്‍ നാടക തിയേറ്റര്‍ പഠനവും- പങ്കുവെക്കലും

വിദ്യാലയങ്ങളിലെ കലാസാഹിത്യ സാംസ്കാരിക സര്‍ഗ പ്രവര്‍ത്തനങ്ങളെ പ്രോല്‍സാഹിപ്പിക്കുന്നതിനും നാടന്‍ കലകകളെയും നാട്ടറിവുകളെയും ഭാഷയുടെ പ്രധാന്യം ഉള്‍കൊണ്ട് പുതുതലമുറയ്ക്ക് പരിചയപ്പെടുത്തുന്നതിനും സാഹിത്യം സാമൂഹ്യ നന്‍മയ്ക്ക് എന്ന ലക്ഷ്യത്തിലൂന്നി കേരളസംസ്ഥാന പൊതു വിദ്യാഭ്യാസ വകുപ്പിന്റെ നേതൃത്വത്തില്‍ പ്രവര്‍ത്തിച്ച് വരുന്ന വിദ്യാരംഗം കലാസാഹിത്യവേദി നമ്മുടെ വിദ്യാലയത്തിലും മികവാര്‍ന്ന പ്രവര്‍ത്തനങ്ങള്‍ ഒരുക്കുന്നു
പുതിയ അക്കാദമികവര്‍ഷത്തെ പ്രവര്‍ത്തനങ്ങള്‍ വായനാദിനാചരണത്തോ‍ടെ തുടക്കം കുറിച്ചെങ്കിലും വിപുലമായ തരത്തില്‍ പ്രവത്തനോദ്ഘാടനം നടത്തുവാന്‍ തീരുമാനിച്ചിരുന്നു. അതിന്‍റെ ഭാഗമായി സ്കൂള്‍ വിദ്യാരംഗം ക്ലബ്ബിന്റെയും അതിലെ അംഗങ്ങളെ ഉള്‍പ്പെടുത്തിയൊരുക്കുന്ന സ്കൂള്‍ നാടക തീയേറ്ററിന്റെയും ഉദ്ഘാടനം ചില്‍‍ഡ്രന്‍സ് തിയേറ്റര്‍ സംഘാംഗവും നാടക പ്രവര്‍ത്തകനും ക്യാമറമാനുമായ ശ്രീ.മുഹ്സിന്‍ കാളികാവ് ഉദ്ഘാടനെ ചെയ്തു. ഹെഡ്മാസ്റ്റര്‍ എന്‍.ബി.സുരേഷ്കുമാര്‍ അധ്യക്ഷവഹിച്ച ചടങ്ങില്‍ പി.ടി.എ.പ്രസിഡന്റ് സി.ഷൗക്കത്തലി, സ്റ്റാഫ് സെക്രട്ടറി അബ്ദുല്‍ സലാം എന്നിവര്‍ സംസാരിച്ചു. വിദ്യാരംഗം സ്കൂള്‍ തല ചെയര്‍മാന്‍ രജീഷ് സ്വാഗതവും കണ്‍വീനര്‍ സായ് കൃഷ്ണ നന്ദിയും പറഞ്ഞു.


സ്കൂള്‍ നാടക തിയേറ്റര്‍ പഠനവും- പങ്കുവെക്കലും

വിദ്യാലയ നാടക തീയേറ്റര്‍ പ്രവര്‍ത്തനം വര്‍ഷങ്ങളായി വിദ്യാലയത്തില്‍ നടന്നു വരുന്നു. സംസ്ഥാന-ജില്ലാ തലങ്ങളില്‍ നിരവധി പുരസ്കാരം ഈ പ്രവര്‍ത്തനത്തിലൂടെ നേടിയെടുക്കാന്‍ കഴിഞ്ഞിരുന്നു.


പഠനപ്രവര്‍ത്തനത്തില്‍ പിന്നോക്കം നില്‍കുന്നവര്‍ MR വിഭാഗം കുട്ടികള്‍ ഇവരെ കൂടി ഉള്‍ പ്പെടുത്തി പ്രവര്‍ത്തിക്കുന്ന നാടക സംഘം ഒരുക്കുന്ന നാടകം കൃത്യമായ സ്ക്രിപ്റ്റ് മന. പാഠമാക്കുന്നതല്ല ക്യാമ്പില്‍ അവതരണ സന്ദര്‍ഭങ്ങളില്‍ കുട്ടികള്‍ അവരുടേതായ രൂപത്തില്‍ ഒരുക്കിന്നതാണ്. സംഭാഷ​ണങ്ങള്‍ അവരുടെ ആത്മ വിശ്വാസം വര്‍ദ്ധിപ്പിക്കുന്നതിന് ഏറെ സഹായകമാണ്.


മലയാളത്തിന്റെ സുല്‍ത്താന്‍ വൈക്കം മുഹമ്മദ് ബഷീറിന്റെ കൃതിയെ ആസ്പദമാക്കി തയ്യാറാക്കിയ ആനപ്പൂട, ബലൂണ്‍, അലാവുദ്ദീനും അലുകുലുക്ക് ഭൂതവും, എന്നീനാടകങ്ങളും കുട്ടികളില്‍ വലിയ മാറ്റങ്ങള്‍ ഉണ്ടാക്കിയിട്ടുണ്ട്. അത്തരം പ്രവര്‍ത്തനത്തിന്റെ തുടര്‍ച്ച ഈ വര്‍ഷവുംപുരോഗമിക്കുന്നതിന്റെ ഭാഗമായാണ് വിദ്യാലയ നാടക തിയേറ്റര്‍ പ്രവര്‍ത്തനത്തിന് ഇന്ന് തുടക്കം കുറിച്ചത്.





ചില്‍‍ഡ്രന്‍സ് തീയേറ്റര്‍ പ്രവര്‍ത്തകനും കാളികാവ് സ്വദേശിയുമായ ശ്രീ.മുഹസിന്‍ കാളികാവാണ് വിദ്യാലയനാടക തീയേറ്റര്‍ പ്രവര്‍ത്തനങ്ങളെ സഹായിക്കുന്നത്. കൂടാതെ വിദ്യാലയത്തിലെ അധ്യാപകരും രക്ഷിതാക്കളും ഇത്തരം പ്രവര്‍ത്തനങ്ങള്‍ക്ക് ഏറെ പ്രോല്‍സാഹനം നല്‍കുന്നു.

2011, ജൂലൈ 14, വ്യാഴാഴ്‌ച

ജനാധിപത്യത്തിന്റെ ബാല പാഠവുമായി വിദ്യാലയ പാര്‍ലമെന്റ് തെരഞ്ഞെടുപ്പ്.....................

ലോകത്തെ ഏറ്റവും വലിയ ജനാധിപത്യരാജ്യമായ ഇന്ത്യയുടെ തെരഞ്ഞെടുപ്പും അതിന്റെ പ്രക്രിയയും ക്ലാസ്മുറികളില്‍ ചര്‍ച്ചചെയ്യാറുണ്ട്.UP വിഭാഗം സാമൂഹ്യശാസ്ത്രത്തില്‍ ഇത് പഠന വിഷയവുമുണ്ട്.ഇത്തരമൊരു പഠനാനുഭവം കുട്ടികള്‍ക്കൊരുക്കുവാനാണ് വിദ്യാലയ പാര്‍ലമെന്റിലേക്ക് തെരഞ്ഞെടുപ്പ് നടത്തിയത്.
സ്കൂള്‍ ലീഡര്‍,സാഹിത്യസമാജം സെക്രട്ടറി,സ്പീക്കര്‍ എന്നീ സ്ഥാനങ്ങളിലേക്ക് നടന്ന തെരഞ്ഞെടുപ്പ് അതിന്റെ ഘട്ടങ്ങള്‍ പൂര്‍ണമായും പാലിച്ചു.
നാമനിര്‍ദേശ പത്രിക നല്‍കല്‍
പ്രഖ്യപിച്ച സ്ഥാനങ്ങളിലേക്ക് മത്സരിക്കാന്‍ ത്ലാല്പര്യമുള്ളവര്‍ നാമ നിര്‍ദേശ പത്രിക ഹെഡ്മാസ്റ്റര്‍ കൈവശം സമര്‍പ്പിക്കണം. 10 രൂപ പണവും കെട്ടിവെക്കണേ......................സൂക്ഷമ പരിശോധനക്ക് ശേഷം സ്ഥനാര്‍ത്ഥി പട്ടിക പ്രസിദ്ദീകരിക്കുന്നു. പത്രിക പിന്‍വലിക്കാനും സമയം നല്‍കി.
ഇനി പ്രചരണം.
സ്ഥനാര്‍ത്ഥികല്‍ക്ക് ചിഹ്നം അനുവദിച്ചു. പോസ്റ്ററുകളായും ...നോട്ടീസുകളായും ( വിദ്യാര്‍ത്ഥികള്‍ തയ്യാറാക്കുന്നത്) ഇനി വോട്ടര്‍മാരെ കാണണം.വോട്ടുചോദിക്കല്‍, തെരഞ്ഞെടുപ്പിന് ഒരു ദിവസം മുന്‍പ് പ്രചരണം അവസാനിക്കുന്നു.
ഞങ്ങളും ഇനി പോളിംഗ് ഓഫീസര്‍മാര്‍


ഇലക്ഷന്റെ നിയന്ത്രണം ഇനി കുട്ടികള്‍ തന്നെ. പ്രിസൈഡിംങ് ഓഫീസറും, പോളിംഗ് ഓഫീസറും സുരക്ഷാസേനയുമെല്ലാം കുട്ടികള്‍.................. .വളരെ അച്ചടക്കത്തോടെ തന്നെ കുട്ടി ഓഫീസര്‍മാര്‍ തെരഞ്ഞെടുപ്പ് നിയന്ത്രിച്ചു.

പോളിംഗ് ബൂത്തിലേക്ക്...................
ഇന്ന് ഉച്ചക്ക് രണ്ടുമണിയോടെയാണ് പോളിംഗ് ആരംഭിച്ചത്.3 ബൂത്തുകളായാണ് തെരഞ്ഞെടുപ്പ് ക്രമീകരിച്ചത്. മുഴുവന്‍ സ്ഥലത്തും കുട്ടി ഓഫീസര്‍മാരെ നിയോഗിച്ചു. ഫസ്റ്റ് പോളിംഗ് ഓഫീസര്‍ സ്ളിപ്പ് വാങ്ങി പേര് വിളിക്കുബോള്‍ സെക്കന്റ്ഓഫീസറാണ് കൈവിരലില്‍ മഷി പുരട്ടുന്നത്.(പെര്‍മനന്റ് മാര്‍ക്കര്‍ ഉപയോഗിച്ച്) തേര്‍ഡ് പോളിംഗ് ഓഫീസര്‍ ബാലറ്റ് മടക്കി നല്‍കും. ഒപ്പം സീലും. ക്യാമ്പിനില്‍ വോട്ട് ചെയ്ത് നേരെ പെട്ടിയിലേക്ക്.........
കന്നി വോട്ടിന്റെ ആഹ്ളാദം.

മുന്‍വര്‍ഷങ്ങളില്‍ വിത്യസ്തമായ തരത്തില്‍ വോട്ട് രേഖപ്പെടുത്തിയ കുട്ടികള്‍ക്ക് ആദ്യവോട്ട് ചെയ്തതിന്റെ ആഹ്ളാദമായിരുന്നു.


വോട്ടെണല്‍
3.30 ന് തന്നെ വോട്ടെണല്‍ ആരംഭിച്ചു. കുട്ടിഓഫീസര്‍മാര്‍ക്ക് നിര്‍ദ്ദേശങ്ങളും സഹായത്തിനുമായി അധ്യപകരും ഉണ്ടായിരുന്നു. ടാബുലേഷന്‍ ഷീറ്റിലേക്ക് വോട്ടുകള്‍ ചേര്‍ക്കാന്‍ തുടങ്ങി. ഓരോ നിമിഷവും ഫലം മാറിമറിയുമ്പോള്‍ സ്ഥാനാര്‍ത്ഥികളുടെ ഏജന്റുമാര്‍ക്ക് അവരുടെ പിരിമുറുക്കം ഒഴിച്ചു നിര്‍ത്താനായില്ല.
ഫലപ്രഖ്യാപനം


4.15 ന് ഫലം പ്രഖ്യാപിക്കുന്നത് കാത്തുനിന്ന കുട്ടികള്‍ക്ക് സന്തോഷവമായി വിജയാര്‍ത്ഥികളുടെ പേരുകള്‍ പ്രഖ്യാപിച്ചു. സ്കൂള്‍ ലീഡര്‍ സ്ഥാനത്തേക്ക് ഭൂരിപക്ഷത്തില്‍ 7.a യിലെ അഞ്ജലി വിജയിച്ചപ്പോള്‍ 145 വോട്ടിന്റെ ലീഡുമായി അദ്നാന്‍ സാഹിത്യസമാജം സെക്രട്ടറിയായി 95 വോട്ടിന്റെ ഭൂരിപക്ഷത്തില്‍ മുഹമ്മദ് ഫര്‍ഷിന്‍ സ്പീക്കര്‍ സ്ഥാനത്തേക്ക് തെരഞ്ഞെടുക്കപ്പെട്ടു.

2011, ജൂലൈ 5, ചൊവ്വാഴ്ച

ബഷീര്‍ - ഇമ്മിണി ബലിയ എഴുത്തുകാരന്‍

മലയാളത്തിലെ ഇമ്മിണി ബലിയ എഴുത്തുകാരന്‍ വൈക്കം മുഹമ്മദ്‌ ബഷീറിന്റെ
17 -ആം ചരമ വാര്‍ഷികത്തിന് 'ബഷീര്‍ എഴുത്തും ജീവിതവും ' എന്ന വിഷയം
അധികരിച്ച് വിദ്യാരംഗം - ഭാഷാ ക്ലബ്ബുകളുടെ മേല്‍ നോട്ടത്തില്‍ ഒരുക്കിയ
'ബഷീര്‍' പുസ്തകങ്ങളുടെ പ്രദര്‍ശനം ......


മലയാള സാഹിത്യത്തിലെ സുല്‍ത്താന്‍ വൈക്കം മുഹമ്മദ് ബഷീറിന്റെ എഴുത്തിന്റെ ലോകം കുട്ടികള്‍ക്ക് പരിചയപെടുത്തുവാന്‍ ഓരോ അധ്യാപകരും ആദ്യ പിരിയേഡില്‍ ബഷീറിന്റെ കൃതികളുമായാണ് ക്ളാസിലെത്തിയത് ദിനത്തിന്റെ പ്രാധാന്യം കുട്ടികളുമായി ചര്‍ച്ച ചെയ്തു.എഴുത്തുകാരനെ അറിയുന്നത് വായനക്ക് കൂടുതല്‍ പ്രചോദനമാവുമെന്നതിനാല്‍ ബഷീറിന്റെ ജീവചരിത്രം, കൃതിയിലെ ചില സന്ദര്‍ഭങ്ങള്‍ തുടങ്ങിയവ ക്ളാസിലവതരിപ്പിച്ചു.പിന്നീട് പുസ്തകപ്രദര്‍ശനവും,പോസ്റ്റര്‍പ്രദര്‍ശനവും കാണാന്‍ അവസരമൊരുക്കി.ബഷീര്‍ രചനകളിലെ പ്രത്യേകതകള്‍ ഉല്‍ക്കൊള്ളുന്ന കുറിപ്പുകള്‍,പതിപ്പുകള്‍ എന്നിവ തയ്യാറാക്കുന്ന പ്രവര്‍ത്തനങ്ങളിലാണ് വിദ്യാലയക്ലബ്ബുകള്‍......








2011, ജൂലൈ 4, തിങ്കളാഴ്‌ച

രസതന്ത്ര വര്ഷം.... ഉദ്ഘാടനം ഉഷാറായി...

പരീക്ഷണങ്ങളുടെ കൌതുകവും ആശ്ചര്യവും നിറഞ്ഞ അന്തരീക്ഷത്തില്‍ രസതന്ത്ര വര്‍ഷത്തിന്റെ ഉദ്ഘാടനകര്‍മം വണ്ടൂര്‍ ബി പി ഓ ശ്രീ മാത്യു മാസ്റ്റര്‍ നിര്‍വഹിച്ചു .
പരീക്ഷണങ്ങളില്‍ വിടര്‍ന്നു വന്ന ത്രിവരണ പതാക കണ്ണുകളില്‍ കൌതുകമുയര്‍ത്തി ...

ഇനി ഞങ്ങളെല്ലാവരും കൊച്ചു സയന്റിസ്റ്റുകള്‍


2011, ജൂലൈ 1, വെള്ളിയാഴ്‌ച

സ്കൂള്‍ ഡയറി

പുതിയ അധ്യയനവർഷത്തെ സ്കൂള്‍ ഡയറി വിതരണം ചെയ്തു....
വിദ്യാലയവിവരങ്ങള്‍,
കുട്ടികള്‍ക്കുള്ളനിര്‍ദ്ദേശങ്ങള്‍

കുട്ടികളുടെഅടിസ്ഥാനവിവരങ്ങള്‍
ലൈമ്പ്രറിരജിസ്റ്റര്‍

എന്നിവയാണ് ഡയറിയില്‍ ഉള്‍ക്കൊള്ളിച്ചിട്ടുള്ളത്.........